Aprelin 23-də Bakının Kamera və Orqan Musiqisi Zalında klassik musiqi fərqli və zərif bir təqdimatda səsləndi.
Proqram Candlelight Ensemble tərəfindən canlı ifa olundu. Fortepiano və genişləndirilmiş simli heyətdən ibarət olan ansambl klassik musiqinin incəliyini müasir təqdimatla birləşdirərək zalda emosional və immersiv bir mühit yaratdı. Axşamın kulminasiya nöqtələrindən biri isə peşəkar rəqqasların səhnəyə çıxışı oldu — şam işığında valsın zərifliyi və hərəkətin estetikası musiqi ilə harmonik şəkildə vəhdət təşkil etdi.
Tədbirin tərəfdaşlarından biri olan VMF Şirkətlər Qrupu sənətə və mədəniyyətə verdiyi dəstəyi bu layihə çərçivəsində də nümayiş etdirdi. Şirkət tərəfindən ansambl üzvlərinə üzərində “şam işığı” yazısı olan xüsusi istehsal saatlar hədiyyə olundu. Bu incə jest axşamın ümumi ruhunu tamamlayaraq sənət və zaman anlayışını eyni məqamda bir araya gətirdi.
VMF Şirkətlər Qrupu bu kimi layihələrdə iştirak etməklə mədəni təşəbbüslərə dəstəyini davam etdirir və brendin estetik, zərif və müasir dəyərlərini daha geniş auditoriyaya təqdim edir.